Chhattisgarh-a 1st Khelo India Tribal Games 2026 neih mekah Mizoram hockey team (hmeichhia) chuan final an lut a, Nilaini tlai hian Odisha nen final an khel dawn.
Raipur-a inelna kal meka eng infiamnaah pawh a inlante hi trial paltlang vek an ni a. Mizoram hockey team pawh hian February 20-27 chhung khan Seletion Trial Phase II paltlangin games-ah hian an inlan a ni.
Selection Trial Phase II-ah hian team 17 an inlan a, heng zinga team riat hi Chhattisgarh-ah hian an inlan a ni.
Team pariatte hi group hnihah pali ve vea inthenin an inkhelh kual chhuah hnua a sang pahnih ve vein semifinal an lut a. Mizo nulate hian an khelh hmasak berah Bihar chu 20 zetin an sawp a, a dawtah a thleng state nulate lakah 10-1-a hnehna chang lehin an khelh hnuhnung berah pawh 6-0-in an sawp leh bawk.
Semifinal-ah hian group lehlama pahnih, Jharkhand tum lehin inhneh tawk tak karah 3-2-a chak lehin final an lut a. Semifinal lehlamah Odisha-in Madhya Pradesh chu 8-0-a hnehin final an lut ve bawk.
Final hi Nilaini tlai dar 05:00-ah khel a ni dawn a. YouTube-ah Prasar Bharati Sports channel-ah live-a thlir theih a beiseiawm.
Mizoram Squad:
Peniel Lalruatsangi (GK) Durtlang [NCOE, Imphal]
Lalnunfeli Kawnpui [NCOE, New Delhi]
Vanlalrinhlui Durtlang [NCOE, New Delhi]
Manglawmsang Durtlang [STC Thenzawl]
Rochanhlui (GK) Bawngkawn [STC Thenzawl]
Zothanmawii Lungpho, [STC Thenzawl]
Lalpeksangi Rotlang ‘W’, [NCOE, Kolkata]
Laltlanchhungi Durtlang, [NCOE, Kolkata]
Lalfakawmi Lungmuat, [NCOE, Kolkata]
Loicy Laltanpuii Kolasib, [NCOE, Kolkata]
F.Lalbiaksiami Lunglei, [NCOE, Bangalore]{India Junior Women Camp}
Lalneihpuii Denlung, [NCOE, Bangalore]{India Junior Women Camp}
Lalrinpuii Hnahthial, [NCOE, Bangalore]{India Junior Women Camp}
Ruthi Lallawmzuali Siaha, [NCOE, Bangalore]{India Junior Women Camp}
Z.Laldintluangi Lunglei, [NCOE, Mumbai]
Agnes Malsawmkimi (C) Serchhip, (Western Railways)
Marina Lalramnghaki Kawnpui, (South Eastern Railways)
Lalrindiki Hnahthial, (Central Railways)
Team Coach: Lalrothuami, Mamit, (SYS Hockey Coach)
Team Manager: Lalzawnchhungi, Durtlang (SYS Hockey Coach)