Ruahtui kan dawng tan a, khawlum uap lutuk kan la tawng chiah lo bawk. Boruak a nuam tak hnuaiah nipui kan hmachhawn rih a ni ber.
Hetih lai hian ruahtui bawhawk awm hun lai a ni chho dawn a, kan in leh a velte kan lo enchian a, leimin leh harsatna thleng thei laka kan lo inhmakhua thiam a tul hle.
Tuihawk luankawr kan tihfai a, tui luanna tha tak nei turin inbuatsaih ila, kan in leh a chhehvelah leimin thei leh harsatna thleng thei a awm em tih thlenga kan enfiah that a tul.
Harsatna a thlen tawh hnua buai chung chung hian sawtna a nei tawh lo duh viau a, chuvang chuan tun atang hian furpui hmachhawn turin lo inbuatsaih ila, ruahtui rawn tlate hi malsawmnaa chantir zel thei turin i lo inbuatsaih tha teh ang u.
Kan kawngpuite a tha chhoin, lirtheia tlan pawh a nuam chho viau a, hetih rual hian tuihawk luankawr lam kan ngaihthah zui mai ang tih a hlauhawm a, tuihawk luankawr tha tak nei turin ruahmanna awm nghal se la, a awmsate pawh tui chiah luanna ni turin i tifai sauh sauh bawk teh ang u.