Aizawl: Mizo Carbon atanga thamna dawng anga an puh, khatihlaia Minister Zodintluanga Ralte chu Ningani khan District Court Aizawl chuan thiam a chantir.
Zodintluanga Ralte s/o Rothangpuia, Tuikual, Aizawl hian ‘Hruaitu Arsi’ chanchinbu, September 1, 2017-a chhuakah, Mizo Carbon atangin hlawkna hmu anga a chungchang an ziah chu lungawi lovin khatihlaia chanchinbu publisher M.C. Lalrinthanga, Khatla South leh editor Lalthanzama Hnamte, Khatla South te lakah September 18, 2017 khan FIR a theh lut a ni.
He thubuai hi April 24, 2018 khan ngaihtuah tan a ni a, kum riat hnuah thutlukna hi siam a ni a, Zodintluanga Ralte hi court chuan Ningani khan thiam a chantir a, he chanchinbu a thu ziaktute hi District Court, Aizawl chuan lung in tan aiah pawisa a chawitir a ni.