Aizawl: Mizoram Larsap, General VK Singh chuan 2027 atan Ningani khan Lok Bhavan, Aizawl atangin houselisting & housing inziah luh bul a tan.
Mizorama Houselisting and Housing bultannaah hian Directorate of Census Operations atangin Joseph H. Lalramsanga, Municipal Commissioner cum Principal Census Officer, Irene Zohlimpuii Chongthu, Addl. Secretary, GAD & Addl. State Nodal Officer leh official dangten larsap an tawiawm a ni.
He hunah hian Lok Bhavan atana Enumerator ruat H. Lalremruati chuan Larsap-in April 7, 2026-a self enumeration a lo tih tawh atanga Self Enumeration ID (SE ID) a dawn hmangin tul angte a tifel a, Larsap hian Houselisting and Housing a zo fel a ni.
Larsap chuan chhiarpui buaipuitute chu hmaih awm lo tura theihtawp chhuah tura chahin, hriat thiam loh neite pawh tha taka hrilh fiah zel a, India ram chhiarpuia inziak lut vek thei tura tan la turin a chah a. A vawi khat nana digital census kalpui a ni chu phurawm a tih thu sawiin, a hlawhtlin ngei theih nan mipuite pawh chhiarpui buaipuitute tha taka lo tawiawm turin a chah bawk.
Chhiarpui 2027 hi India rama digital census hmasa ber tur a ni a, thawh hniha kalpui tur a ni. Thawh khatna, Houselisting and Housing hi April 1, 2026 atang khan kalpui tan a ni a. Thawh hnihna, Population Enumeration chu February, 2027 atanga neih tan tur a ni.