Aizawl: Aizawl Municipal Corporation inthlanpui naktuka neih tur atan Inrinni khan Aizawl DC Meeting Hall-ah Final randomization neih a ni.
General observer Lalnunhlua, Additional Sectretary, Agriculture & Farmers Welfare Dept. leh party hrang hrang aiawh hovin Final randomization hi neih a ni a. Election Officer bakah Municipal Returning Officer (MRO) leh Assistant Municipal Returning Officer (AMRO) te an tel.
Final Randomization-ah hian ward tin a polling team-te chu ward hrang hranga an duty-na tur polling station theuhva computer hmanga sem darh leh an ni.
AMC hnuaiah hian Ward 19 awmin, heng zinga Ward parukte chu hmeichhe tana reserve niin, local council 89 leh polling station 264 a awm mek a ni.