Mizoram Pradesh Youth Congress Committee (MPYCC) chuan nimin khan thuchhuah siamin, Aizawl Municipal Council (AMC) inthlan tluang taka neih a ni chu lawmawm an tih thu sawiin, Congress Party candidate-te an chhuang takzet tih an sawi.
Congress Thalai chuan an party aiawhte duhsaka lo vote-tu zawng zawng hnenah lawmthu a sawi a, ward thenkhatah MPF ina khak ngai hial khawpa dan palzutna a thleng erawh pawi an tiin, thleng zui tawh lo se a duh tih an sawi.
Inthlan buatsaihtu State Election Commission leh inthlan avanga sorkar mi leh sa buai tak tak te, Mizoram People’s Forum (MPF) leh khua leh tui an nih anga an tih tur vote thlaktute zawng zawng chungah lawmthu a sawi bawk.
Kumin AMC inthlanah hian Aizawl veng tinah nasa takin Congress Party kaihthawh a ni tih sawiin, “Mi tam takin Congress-ah beiseina thar neia an rawn zawm hmuh hian Congress kaihhruai Mizoram sorkar a piang leh thuai dawn tih a chiang,” tiin, sorkar tha leh rintlak, mi tin banphak kalphung dik, chhung tin fairel bel thleng phak sorkar siam tura theihtawp chhuahho zel turin an sawm a ni.