Aizawl: AH&Vety separtment, Mizoram State Veterinary Council (MSVC) leh Indian Veterinary Association (IVA) Mizoramte tangkawp buatsaihin Inrinni khan Aijal Club-ah ‘Veterinarians: Guardians of Food and Health’ tih thupui hmangin ‘World Veterinary Day (WVD) 2026’ lawm a ni.
World Veterinary Day 2026 lawmna puala inkhawmah khualliam Lalsangliana, Secretary, A.H & Vety. department chu chuan ei leh bar dehchhuah bakah a hrisel em tih ngaihven thlengin veterinarian-te an pawimawh thu sawiin, ran hriselna mai piah lamah ram leh hnam hriselna chu an kutah thui tak a innghah thu a sawi a. Veterinary profession chu hna zahawm tak anih thu sawiin, eizawn nana thlang tawhte chu hawi kir lo va, tih takzeta thawka an thiamna leh tawnhriatte hmanga danglamna thlentu nih tum turin a chah.
Inkhawm hi Dr. Robert Rualthankhuma, President, IVA Mizoram chuan kaihruaiin, khualzahawm Dr. Lalremliana, President, MSVC leh Dr. Lalrotluanga Sailo, Director, AH&Vety. Department-ten thu an sawi theuh bawk.
Inkhawmah hian ran ngaihsaka an hamthatna tura thawk tha mi mal leh pawl hrang hrang 10 hnenah chawimawina thuziak cheimawi hlan a ni a. Member thite sunna hun hman niin, kum 2026-2028 chhung atana IVA Mizoram hruaitu tur thlan a ni bawk.
World Veterinary Day 2026 pual hian Aizawla hmun pathum – State Veterinary Polyclinic Hospital, Khatla, |huampui leh Lawipu-ahte Free Health Clinic leh Free Anti-Rabies Vaccination Camp-te buatsaih a ni a. Ran engemawzah a thlawna entir niin, ui a hri danna Anti-Rabies Vaccine dose 196 pek a ni.