Bollywood movie hit leh vawiin thlenga la hmuhnawm em em 3 Idiots chu a 2-na siam leh turin ruahmanna engkim peih fel a ni ta.
A changtupa ber Aamir Khan chuan he thu hi sawi chiangin, a hmasa lama a lo chanpui Kareena Kapoor Khan, R. Madhavan leh Sharmna Joshi te nen an inlan leh tur thu hi a sawi a, Rajkumar Hirani leh director leh Vidhu Vinod Chopra chu producer an nih leh tur thu a sawi bawk.
A sawi danin, 3 Idiots 2 hi buaipui mek a ni a, a thawnthu pawh hi a ngaihnawm leh hle dawn a, mahse script thenkhat hi la zawh fel loh a awm avangin hun engemawchen chu a la awh deuh ang, a ti.
An tlangzarh atanga kum 10 chuang fe a liam hnuah Phunsukh Wangdu role a chang leh tur chu a phur tawh thu leh a thiante nen pawh an thawhhona a ngheh chhoh leh ngei thu a sawi bawk.
3 Idiots hi kum 2009 Krismas bawr chho khan theatre-ah chhuah tan niin, National Awards vawi 3 bakah chawimawina hrang hrang a dawng tawh a ni.