Sawi leh hriat tur neuh neuh a awm hi chuan a chiang nghal thuai mai thin a, Harry Styles leh Zoe Kravitz te pawh hi an inkar a nghet chho zel niin a lang.
Kum 32 mi zaithiam leh kum 37 mi Kravitz te hian sawm bik tlemte hmaah inhualna an nei tawh niin sawi an ni a, lemchan thiam hian a thiante kiangah phei chuan an inhualna zungbun hi a tilang fo thin niin an sawi.
April 21 khan London-a an thlalak dun pakhatah in haw lo taka an awm laiin an inhualna zungbun hi hmuh theih ngei turin a lo pholang tawh bawk niin sawi a ni a, an inkar hi a nghet chho zel nia sawi an ni.
An pahnih hian nikum August thla atang khan sawizawm an ni tan a, Rome-ah hun hlimawm tak an hmang dun a, chuta tang chuan a hlimawm zawng hlira hun hman an nei chho zui ta a ni.
Rome hi an intawn tanna a nih miau avangin an ngaina a, chawlh hun an neih pawh Rome lamah a theih ang anga hman zel an tum nia sawi an ni lehzel bawk.
Tunah chuan inthup tawh lem lovin an inzui nghet tawh hle a, an pahnih hian vantlang hmaa inlan dun pawh hreh tawh lem lovin, an inhualna zungbun pawh langsar takin an lek chhuak fo niin sawi an ni.