Kum 32 mi zaithiam Ariana Grande chuan a studio album pariatna Petal tih chu a peihfel thu sawiin, a social media lamah a album cover tur a tilang.
Ariana hian June thla atangin Eternal Sunshine tour neih a tum a, hemi vawrh larna pakhat atan a album cover hi a rawn dahchhuak a, a fans ho chawhphur nan a ti a ni.
A ruahman dan chuan July thla tawp lamah Petal hi tihchhuah tum niin, Republic Records buaipui a ni a, a album chungchang chu zaithiam hian sawifiahin, hun khirh leh harsa pawh tawk thin mah ila, hneh chungin hmalam kan pan thei, tihna lam hawi a nih thu a sawi.
Amah a phur a, April thlatir kha studio-a a hla record lai niawm tak thlalak hmangin a fan te a rawn chhaih hmasa a, hei hian ngaihven zui a hlawhin, tunah chuan ngaihthlak thuai theih turin a album hi a peihfel tawh a ni.
A album thar vawrh larna pakhat atan June ni 6 atang hian a tour a tan dawn a, hei hi kum 2019-a a Sweetener World Tour neih hnua a tour leh hmasak berna tur a ni.