FTH hotupa Mapuia Hauhnar chuan tun hnaiah a Facebook kaltlangin thupek khauh tak a tichhuak! Social media-a an video duh lai lai lo la chhawnga upload thinte chungah action a la tawh dawn.
Mapuia hian a Facebook-ah warning a ti chhuak a. Chutah chuan, an tlin tawk leh an thiam tawk piah lamah, sum leh pai, tha leh zung sengin an programme te an siam ve thin chu YouTube-ah te an tichhuak a. Facebook monitize theih hnu hian an video te chu dil der chu sawi loh, a hman hmanin an drama hlui/short movie te, Comedian Search te collection siamin anmahni ta zawk ang maiin an post hmiah hmiah zel tia sawiin, tun hmain action lak em chu tiin ngawihsan leh thin mah se, tun hnuah chuan action an lak tawh tur thu a post a ni.
Mapuia hian, an video te lo react thleng hian dil ve se tih thlengin Mizo tawng ngeiin description ziahna hmunah ziak ve duah mah se, duh lai lai cut chhuak an la awm reng a. Kum 2009 atang tawh khan Youtube/FB/Insta upload lo tura ngenna leh ti lui an awm chuan action lak an tum thu dahin, mahse, action lak em chu tiin an ngawi thin. “Keimahni’n kan zawng khawm chawp a biak pawh theih dan, kan request-a delete ta an awm a. Tunah chuan kha’ng lo upload thin tute kha tih sen pawh an ni ta lo va, an tam ta mah mah. KAN TIH VE NGEI CHU A NGAI TA. Action kan lak a ngai tawh dawn a. Min lo upload sak thin tute action kan la tawh dawn a ni tih min lo hriatsak teh u aw,” tiin a post a ni.