Mizo naupang, 90’s chho vela mite chuan kan la hrereng awm e. Bollywood film ‘Shaktimaan’ a hit zet maia changtu Mukesh Khanna kha a la tlangval!
Tun hnaia an kawmnaah he thu hi Mukesh Khanna chuan sawichhuakin, inneihna hi ka pawm lo a ni lo, mahse ka tana khuanu ruat hi ka tawng lo a ni mai thei, a ti.
Kum 67 mi lai ni ve tawh Mukesh Khanna chuan hmeichhe lam ngaihsak hi a peih zawng a nih loh bakah, a misa lo nia a inngaih thu a sawi a, kawppui tur zawna, hmeichhe han biak vel aichuan engemaw ngaihtuah mai mai chunga a rilru kawm a thlan thin thu a sawi.
Mi tam tak chuan nupui nei daih tawh emaw, tam tak nei tawh zawk emaw, duh duh thing ve theiah min ngai a ni mai thei, mahse chutiang lam ka ngaihsak ngai lo, inneihna hi ka do a ni lo a, hmeichhe han lem vel hi ka peih lo a ni zawk, a ti. Mi zakzum tak ka ni a, ka zahna hian hei chen hi mala awm turin min hruai a nih ber hi, tiin nui chungin a sawi zui a ni.