Aizawl: Artist Tanpuia chuan a Solo Painting Exhibition vawi 13-na chu Thawhtanni khan Aizawl Art Gallery, MUP Building (2nd Basement), Upper Khatla-ah a buatsaih a, I&PR Director K. Vanlalsangi’n a hawng a ni.
K. Vanlalsangi chuan Tanpuia chu Mizoram pawna solo painting exhibition buatsaih thei awmchhun a ni tiin, chhuanawm a tih thu a sawi a. I&PR leh Mizoram Art Development Society (MADS) te thawh dunna chu lawmawm a tih thu leh vawi 13 lai mi mala exhibition a buatsaih thei chu chhuanawm a tih thu a sawi bawk.
Tanpuia hian kum 1999 atangin solo exhibition vawi engemawzat nei tawhin, Aizawl bakah Bangalore leh Kolkata-ah te pawh a buatsaih tawh a. A hnathawhte hi group show leh workshop hrang hrangah te pholangin, a painting-te hi Mizoram chhung leh ram pawn thlengin collection-ah dah an ni bawk.
Exhibition hi May 4 atanga May 9, 2026 chhungin zing dar 10 atanga tlai dar 5:30 thlenga tlawh theih tura hawn a ni.