Ruahtui kan dawng tha a, furpui la intan lo mahse ruahtui bawhawk a awm leh thin. Kan chetvelna leh kan sulhnu kan lo enfel a pawimawh chho hle.
Leimin leh chhiatna hrang hrang thleng thinte hi keimahni fimkhur loh vang a ni fo thin a, midangte harsatna nasa takin kan thlen thin bawk. Hemi laka kan him theihna tur hi kan ngaihtuah tel a ngai hle.
Chhiatna a thlen hnuin engmah siamthat theih a ni tawh lo thin a, a pawi tur anga a pawi vek thin tawh avangin tun atanga kan lo inhmakhua thiam a, midangte rel leh sawizui kan hlawh lohna tur hi kan ngaihtuah a ngai viau.
Kan fimkhur lohna avang hian nunna chan an lo awm phah fo tawh thin a, chenna tur in leh lo neih loh phah thlengin an lo awm tawh thin. Heng zawng zawng atang hian inzir fing ila, keimahni bawk hi a chingfel theitu kan ni tih hrechungin, inruahman dan i thiam ang u.
Furpui kan luh chhoh tak tak hma hian tun atangin ilo inbuatsaih ila, keimahni mai ni lo, midangte harsatna thlentu leh siamsaktu ni lo turin i inruahman chho zel ang u.