Aizawl: Khum 50 awm theihna tur, District Hospital, Hnahthial sak mek chu nimin khan Health & Family Welfare Minister Lalrinpuii’n tlawhin a enfiah.
Health Minister K Lalrinpuii chuan District Hospital hnuaia hmalakna bakah mamawh awmte chu amah lo dawngsawngtu, Hnahthial District Bawrhsap K. Vanlalruati; Sr. CMO. Dr. Lalnunziri leh Medical Superintendent Dr.Zosangliani te nen an sawi ho hnuah, Minister chuan Hospital sak mek bakah building hrang hrang awmte chu a hmunah a endik nghal.
Minister chuan hospital-a thawktu indaih lohna te chu a hriatpui thu sawiin, an indaih lohna te chu phuhruk turin theihtawpa hma an lak mek thu a sawi.
District Hospital, Hnathial hi North East Consultancy Services (NECS) te chu an huntiam, kumin December chhung ngei a sa zo hman turin Minister hian a hrilh bawk.
Tun dinhmunah hian Hospital structure chu zaa 70 vel zawh fel a ni tawh a, Type –III quarter chu a vaiin zaa 70 vel sak zawh a ni tawh a. Type –IV Quarter erawh hmanrua dahna tur tha a awm loh avangin duh anga hma an la lak theih loh thu sawi a ni.
Khum 50 awmna tur District Hospital bakah Type-III leh Type –IV quarter te hi North East Special Infrastructure Development Scheme (NESIDS) hnuaia sak niin, Rs vbc 16 cores senna tur a ni a. NECS hian a sak hna hi August 2024 atang khan an thawk tan a ni.