Aizawl: Samaritan Association for the Blind Special Blind School in an school Silver Jubilee chu nimin khan an lawm. Chief Minister Lalduhoma chuan khuallian niin a hmanpui.
M. Suaka Hall, Durtlang Presbyterian kohhrana jubilee lawmnaah chief minister Lalduhoma chuan taksa lama harsatna lian tak, chhuanlam remchang tak nei chunga zirna lama hlawhtlin tum naupangte an chhuanawm thu a sawi a. Thinlung hrisel tak pu zui tlat tura chahin, “Kan thinlung a hrisel chuan harsatna nia lang thil tam tak hi kan tan remchanna a lo ni fo zawk thin,” a ti.
Chief Minister chuan Mizoram mipui tam zawk chuan he school hlutzia leh tangkaizia hi an ngaihtuah ngai lo mai thei a. Mahse, mit thalote tana a hlutna hi sawifiah thiam phak loh khawpa hlu a ni tih a sawi a. Sorkar pawhin a hlutzia a hriat avangin Adhoc Status a pe a. Zirtirtu a attach-a, sorkar hian Middle Section bik hi Provincialize tura ngaihtuah tur zingah an dah a, PPP mode-a kalpui pawh a tha zawk thei tih sawiin, hostel building pakhatah mipa leh hmeichhia an la awm khawm avangin Girls Hostel an mamawh tih an hria a. Handholding atangin Hostel sakna tur hi Rs. nuai 50 an ruahman fel tawh tih a sawi.
Khualzahawm, bialtu MLA Vanlalhlana pawhin thu a sawi a ni.