All India Tennis Association Challenger Series 7-ah Mizo rawlthar, Lalhruaitluanga Sailo chuan Boys Under 14 final-ah champion tura rinkai pahnihna hnehin a champion.
All Assam Tennis Association buatsaih, All India Tennis Association Challenger Series 7 hi All Assam Tennis Association Complex, Guwahati, Assam-ah kar kal ta Thawhtanni atanga Ningani chhung khan khelh a ni a. 4th seed Hruaitluanga hian final-ah Telangana atanga tel, 2nd seed S Ebinesh lakah set hmasa ber hloh mah se tho lehin 2-6, 6-3, 6-1-a hneh a ni.
Hruaitluanga Sailo hian final thlengin vawi nga inkhelin final-a Telengana rawlthar laka set khatna a hloh tih loh chu set hloh pawh a nei miah lo va. Quarterfinal leh semifinal-ah seeded player a hneh nghe nghe a ni.
Coach atana Mizo zinga tennis player hriat hlawh, Basil Khuma a hmang a, tunah hian All India Rank-ah No. 167-na ni mek a ni.