Aizawl: Zoram Medical College & Hospital a Department of Pediatrics leh Department of Obstetrics & Gynaecology tangkawp chuan Inrinni khan ‘Neonatal Resuscitation Program Day’ an hmang a, ZMC& H Dean, Professor Swati M Patki in a hmanpui.
He program hi Indian Academy of Pediatrics (IAP) leh National Neonatology Forum (NNF) bul tum, ram pum huap state 35 leh UT tinah a ruala hman ho tura duan niin, nausen pianghlim harsatna nei te chhanchhuah dan training hrang hrang nurse leh doctor tam thei ang ber te hnenah pek a ni.
India ramah hian nausen piang 10 zelah pakhat hi thawk lama harsatna neiin an lo piang thin a, a hun taka buaipui nghal anih chuan nausen tam tak chhanchhuah an ni ta thin a ni.
He training-ah hian naupang doctor, gynaecologist, medical officers, interns leh nurse thahnem tak zirtir anni a, nausen pianghlim harsatna neite chhanchhuah an lo nih zel theih nan leh Mizoramin naupang chunga thihna (Infant mortality rate) hniam a neih zel theih nan a pawimawh hle a ni.