Aizawl: Aizawl khawpui hmun hrang hrangah Central YMA huaihawtin Inrinni zingkar khan ruihhlo that lohzia inzirtirna street campaign neih a ni.
Central YMA hian Aizawl khawpui chhung hmun pasarihah ruihhlo do hmalakna atan street campaign an buatsaih a, Zemabawk Venglai a hun hman hi Lalhmunliana Chhangte, Zemabawk Branch YMA President-in a kaihruai a, Prof. Lalnuntluanga, Vice President, CYMA-in thu a sawi.
Thuampui Bazar a hun hman hi Darthanthuama, Thuampui Branch President-in a kaihruai a, Lalrochama, CEC-in thu a sawi a. Bawngkawnah Lalberchhandama, Bawngkawn Branch President in kaihruaiin Lalhmachhuana, CEC-in thu a sawi.
Ramhlun North-a hun hman hi Laldingliana Sailo, Ramhlun North Branch President in-a kaihruai a, Er. H. Duhkima, Treasurer, CYMA-in thu a sawi a. Chanmari kawnah hian Sailianpuia Sailo, Chanmari Branch President-in a kaihruai a, SF David Ngursangzuala, Assistant Secretary, CYMA-in thu a sawi.
Zarkawt a hun hman hi Lalhmangaiha, Zarkawt Branch President in a kaihruai a, Lalrochuanga Pachuau, CEC-in thu a sawi a. Electric Venga hun hman hi C.Lalnunfela, Electric Veng Branch President-in kaihruaiin MS Ralte, Finance Secretary-in thu a sawi bawk.
Heng hmun hrang hranga street campaign neihnaah hian Aizawl khawpui chhunga Branch hruaitute leh CEC memberte kalna tur siam a ni a, zai thiam hrang hrangte an zai bawk.
Central YMA chuan ruihhlo do kawnga theihtawp chhuah tur leh mahni theihna zawn theuhvah ruihhlo do kawnga pen chhuak turin mipuite an sawm a. Street campaign hi ni May ni 16, 2026 zing dar 7:30 ah Aizawl khawpui hmun pariatah neih leh a ni ang.