Aizawl: Thawhtanni khan Home Minister K. Sapdanga chuan a MLA Fund atangin Zo Inspiration Foundation hnenah computer full set, laptop leh printer a hlan.
Thilpekte hi Zo Inspiration aiawhin Emmanuel Thangrosanga, Secretary-in a dawng a ni.
Aizawl North III bialtu MLA K. Sapdanga chuan Zo Inspiration rawngbawlna a ropui a tih thu leh mi dang tana malsawmna ni zel tura duhsakna a hlan thu a sawi a, a bial chhung Chanmari-ah office neia an awm avangin MLA Fund hmangin an mamawh ang zawng zawng ni lo, an mamawh zualpui an pe ve thei che lawmawm a tih thu a sawi a. An rawngbawl zelnaah tangkai taka an hman ngei a beisei thu a sawi bawk.
Zo Inspiration aiawha dawngtu, an pawl ziaktu pawhin bialtu MLA leh home minister ni bawkin thilpek hlu tak a pe chu an lawm tak zeta a kal zelna turah duhsakna an hlan ti a sawi bawk.