Aizawl: India hmarchhaka Digital Lending tihchangtlun nan North Eastern Development Finance Corporation Ltd. (NEDFi) leh Veefin Solutions thawk dun dawn.
NEDFi leh Veefin Solutions Limited, Mumbai te chuan NEDFi tana digital lending ecosystem siam turin inremna thuthlung an ziak fel.
He hmalaknaah hian Veefin Solution te chuan Loan Origination System (LOS), Loan Management System (LMS) leh Loan Collection System (LCS) te a bun dawn a. He digital lending system hmang hian mobile application hranpa bakah, loan puktute tana awlsam taka hman theih turin customer portal bik a keng tel dawn a. He solution hian pawn lam system dang – credit bureau te, bank UPI te nen a inzawm vek ang a, awlsam tak loan leh a kaihhnawih dangte inthlunzawm tur a ruahman a ni.
NEDFi hian hmarchhak state pariata MSME sumdawnna leh start-up te tan healthcare, tourism, food processing, education, IT, steel, cement leh industry dangte tan financial service hrang hrang an pe thin a ni.
Veefin Solutions Limited hi khawvel huapa digital lending leh supply chain finance solution a hmahruaitu an ni a, Mumbai-ah awmin, banking institution hrang hrang te software an lo develop-sak tawh a ni.