Arne Slot chuan nipui bazar inhawn hunah Liverpool atanga chhuak tur, Andy Robertson thlakna tur player thar an lak luh a rinawm loh thu a sawi.
Thla hmasaah khan Liverpool left-back hian season tawpa a contract zawh rualin Anfield a chhuahsan tur thu a lo puang tawh a ni.
Kuminah hian Robertson-a chauh hi club chhuahsan tur player hlun a ni lo va, March thla khan an player pawimawh ber pawl kum tam tak lo ni tawh, Mohamed Salah pawhin a chhuah ve mai tur thu a lo puang tawh bawk.
Heng avang hian season thar atan Liverpool squad-ah hmun ruak hnawh khah tur a awm nual dawn a, Robertson thlakna tur hi chu hmun dang atanga chaw lut tawh kher lovin ruahman sa an nei tawh niin a ngaih theih.
Hetih lai hian Egyptian forward thlakna tur erawh hmuh huphurhawm tak ni tura ngaih a ni.