Amazon MGM Studio chuan James Bond film thar siam tuma hma an lak mek thu an sawi a, tunah hian James Bond lema chang tur an zawn mek thu an sawi.
Studio chuan thuchhuah an siam danin, he film an chan hun tur hi an la sawi theih loh thu leh Bond lema chang tur official tak an zawn mek thu an sawi a, a thawnthu kalphung tur pawh an la sawi theih loh bakah, thu thar an neih veleh 007 fans te an hriattir vat tur thu an sawi a ni.
James Bond thar tur hi casting director Nina Gold kaihhruaina hnuaia an zawn mek thu an sawi chiang a, an la fel thei a nih chuan Daniel Craig a thlak dawn a ni.
James Bond film hnuhnung ber hi Daniel Craig inlanna, kum 2021 a tihchhuah ‘No Time to Die’ kha niin, hei bakah hian Craig hian Casino Royale (2006), Quantum of Solace (2008) leh Spectre (2015) te hnehsawh takin a lo chang tawh bawk.
007 thar tur hi Denis Villeneuve chuan a direct dawn a, ani hi ‘Dune: Part One, Part Two leh Part Three’ te lo siam tawh a ni.