- Hmingsanga
Khutah, division hniam tak 4th division vel a khel thin kha, FC Barcelona B team zawm turin an sawm lut a, Academy tha chhuak a nilo a, tual chher player an tih ang chi kha ni. Barcelona B team a a khelh laia enkawltu chu Barca player hlui Rafael Marquez kha a ni, a hmang tangkai thiam ngang mai.
Hun a kal a kal a, FC Barcelona first team ah seng luh niin an player pawimawh, an defender rin rawl a rawn ni chho ta der mai. Amah chu Gerard Martin a ni.
Footballer te hian hranghlui zingah player ngaihsan leh entawn an nei chawk a. Chutiangin Gerrard Martin pawhin defender ve tho Italian legend Paolo Maldini a ngaisang em em a, a khelh dan ang a khelh ve te chakin entawn berah a nei a. Chutiang taka Maldini a ngaihsan avang chuan amah pawhin Gerrard Maldini tiin a hming a phuah fiam a. Chutiangin a thian te pawhin an ko fiam thin.
February ni 26 kha Gerrard Martin a birthday a ni a. Kumin a birthday kha a ropui dangdai viau. Gerrard Martin a bialnu bengvar leh nachang hre tak maiin, Maldini fapa footballer ve tho te nen an lo inhmelhriatna chu hmang tangkaiin, Maldini jersey a signature chuang ngei mai chu Maldini hnen atangin Gerratd Martin in a dawng zuk nia.
Maldini ngaisang tute theuh theuh a vannei bik mang nge. Maldini nge nge kan lo ngaisang hi kan la tisual lo e