Angelina Jolie leh Brad Pitt te fa u zinga mi, Zahara chuan official in a hming tawpa a pa hming a dah thin chu a paih.
Kum 21 mi hian May 17 khan Spelman College atanga graduate in, Psychology subject a zirzo a, zirlai chhuak turte thlahna an hmannah a hming chu Zahara Marley Jolie ti chauha puan a ni.
Hemi hnu hian a IG lamah video tarlangin, a nu nena an inhmangaihna leh inkungkaihna chu a nghet hle a, thla 6 mi lek ka nih laiin min adopt-a, hmangaih leh duat theih tawpin min kuangkuah a, ka tan chuan khawidangmaha pensan leh kalsan chi a ni lo, kan inlaichinna hi nitin hian a nghet zual sauh sauh zawk a ni, a ti.
Zahara hian college a luhtirh chuan a hming tawpah a pa hming hi la telhin, “Zahara Marley Jolie-Pitt” tiin a inziaklut a, mahse Jolie leh Pitt te inkar a buai chhoh hnu leh, khawdang hawi tura an inthenfel hnu chuan an fate zawng zawng hian Jolie bula awm an thlang a, a unaute thenkhatte angin Zahara chuan a hming tawpa “Pitt” tel chu a paih ta a ni.
Zahara bakah hian Jolie leh Pitt, kum 62 mite hian an inneih laiin Maddox,24; Pax,22; Shiloh,19; Vivienne leh Knox,17 te an nei hman a, an vai hian an nu ber bulah an awm a, an pa hi an ngaithei lo deuh vek nia sawi an ni bawk.