Nimin khan All India Organisation of Chemists & Druggists (AIOCD) chuan India ram pumah damdawi dawr zawng zawng khar tura hriattirna chhuahin, hei hi Mizoram Chemists & Druggists Association (MCDA) pawhin an thlawp tha hle a, damdawi dawr zawng zawng khar a ni.
Hei hi a chhan ber chu dan leh hrai awm mumal lo chunga online hmanga damdawi zawrh leh hralh chu mipui tan a him loh bakah thil pawi thei a nih vang a ni ber a, ngaihtuah chian ngai tak a ni.
Tunlai khawvelah chuan hmasawnna hi a zuanin a zuang a ni tawh ber a, awmhmun atangin kan bazar thei tawh a, kan duh duh kan hmetchhuak thei tawh bawk a, mahse kan awlsamna hi a tha lo lam zawng pawha kal thei a nih miau avangin mitin kan fimkhur deuh deuh erawh a tul hle.
Tuna damdawi zuarho ngaih pawimawh leh an inkhar chhan pawh hi thil ngaihtuah chian ngai tak mai a ni a, online hmanga damdawi zawrh leh hralh mai hi a him lohna tam tak a awm thei a, doctor leh thuneitute thu pawh ni lo, a him ngei em tih pawh hriatchian loh, a kawm tuamna thlaka hlui deuh deuh zawrh pawh ni thei thlengin a chhe ber a dawn loh theih loh a ni.
Chuvang chuan India rama damdawi zuar ho hian na zawkin ke pen se, Mizorama zuartute pawhin na zawka ke pen turin an hmun pui lam hi nawr reng bawk se a tha awm e.