Aizawl: Aizawl Municipal Corporation (AMC)-a Corporator thlan tharte chuan Nilaini khan AMC Conference Hall, |huampuiah AMC hnathawh hrang hrangte zirchianna leh inhrilhfiahna hun an hmang.
Sensitization Programme hi Joseph H. Lalramsanga, Municipal Commissioner in a kaihruaia, H. Lalremtluanga, Aizawl Mayor chu khuallian niin programme hi a hawng a, AMC a Officer ten AMC mawhphurhna leh hmalakna hrang hrang te an hrilhfiah a ni.
Bawlhhlawh khawn leh sawngbawl kawnga dan thar Solid Waste Management Rules, 2026 zirchianna leh Urban Local Body (Municipal) mawhphurhna leh tihturte in zirtirna neih nghal a ni a. Dan tharin a phut hrang hrangte hi thuneitute leh mipuite zirtirna hun hman dan tur te leh dan hnuaiah hmalakna tha taka kalpui a nih dawn thu AMC hotute hian an sawi.
Aizawl khawpui mumal zawka a than theih nan AMC in dan a kenkawh hrang hrang te hi mipuiten tha taka an zawm a tul thu te sawiho a ni bawk.