Mizoram Road Fund Board chu Nilaini khan an chairman, Vanlalhlana, PWD Minister hovin an thukhawm a, kum 2026-27 chhunga sum hmanna tur Rs nuai 8,325 an pawm.
Secretariat Conference Hall-I, MINECO-ah thutkhawmah hian kum 2025-26 chhunga Mizoram Road Fund Board-in kawng leh lei siam hnathawhna tur a lo pawm tawh atanga hna thawhte an thlir let a; kum 2026-27 chhunga kawng leh lei enkawlna tura Rs nuai 8,325 zet chu an pawm a ni.
He sum pawm tak hi ni tin kawng enkawlna hna (Routine maintenance), bituminous pavement, cement/concrete construction, side drain, retaining wall leh cross drainage siamna tur (Annual Maintenance Operation Plan) bakah, PMGSY siam zawh tawh enkawlzui na te, lei thawmthat ngai zual siamthatna te, leh sorkarin tha zawk leh felfai zawka kawngte a enkawl nan Road Assets Management System (RAMS) atante hman a ni dawn a; fur ruahtuiin a thlen thin leimin leh side drain thenfaina tur (Monsoon Damage Repair) leh kawng hmangtute himna tur (Road Safety Measures) te pawh he sum hmanna atan an ruahman a ni.
Thutkhawmah hian Mizoram Road Fund Board member, sorkar department hotute leh NGO hrang hrang aiawhte an tel a ni.