Music Domain Mizoram (MDM) chuan ni 21st May 2026 zan khan Verdant Multipurpose Hall, Laipuitlangah MDM Felicitation & Royalty Distribution Programme an hmang a, he hunah hian kum 2025 – 2026 chhunga MDM member Rimawi lama hlawhtlinna changte chawimawina hun leh MDM Youtube Channel a Music Video dahte, Youtube Royalty sem chhuahna hun an nei.
Mizorama Rimawi Award kan neih hlun tak tak heng – Thazual Award, Lelte Award, Rimawi Khawvel Silver Jubilee Award leh Mizo Film Award OST Category a MDM member Award dawngte hnenah hian chawimawina Memento an hlan a ni.
J. Lalruatsangi (Thazual Award)
Ruatpuii (Thazual Award)
Saka (Thazual Award)
Ngura (Thazual Award)
Michelle Varte & Alex Hauhulh (Thazual Award)
Lesky Hype & Angela (Thazual & Lelte Award)
Thawhlehnaniropuia (Lelte Award)
Seraphic Choir (Lelte Award)
Siampuii Ralte (Lelte Award)
Bzi Tochhawng (Lelte Award)
Mary Dawngi (Lelte Award)
Lil Kiki (Lelte Award)
R. Lalhmingmawia (Lelte Award)
Amosa Vocal Point (Lelte Award)
Manuna (Rimawi Khawvel Silver Jubilee Award)
Mami Varte (Rimawi Khawvel Silver Jubilee Award)
Mabiaki Pachuau (Rimawi Khawvel Silver Jubilee Award)
Kima Chhangte (Rimawi Khawvel Silver Jubilee Award)
John Mawitea & Mapuii Fanai (Rimawi Khawvel Silver Jubilee Award)
The Prophets (Rimawi Khawvel Silver Jubilee Award)
Guru Gee (Mizo Film Award)
Tin, Rampawn lama chawimawina dawng MDM Member heng mite hnenah hian chaiwmawina Memento an hlan bawk –
Esther Hnamte (Pradhan Mantri Rashtriya Bal Puraskar Award @ Delhi)
Mood Station (Rocka Rolla Music Award 2025 The Rising Star @ Guwahati)
Sawmtea Chhangte (Doctorate Degree/Doctor of Music @ Bangkok)
MDM Youtube Channel a Music Video dahlut te an Music Video in a thawhchhuah Youtube Royalty la tam zual Top 10 te semchhuah ni bawkin, chungte chu-
- Diki Renthlei
- Seraphic Choir
- Mawimawia
- The Radio
- Zothana ft Zodini
- Zorini
- Marina V. Varte
- Rpa Ralte
- Ticos Dara
- Esther Khiangte
Diki Renthlei/Diki Khawbel ti a kan hriat lar hian Royalty la tam berin Rs 94314/- a la a ni. Youtube Royalty a hmuna semchhuah bak hi sem chhunzawm zel tum a ni a, MDM Office lamah Member ten ngaihven theih a ni, an ti.
He hunah hian AMC Mayor H. Lalremtluanga chu Khuallian niin, Christina Roluahpuii, Executive Corporator AMC chu Khualzahawm a ni a, thusawina hun neiin MDM member zaithiam lar tak tak ten kalkhawmte zaiin an awi a, hun hlimawm tak an hmang a ni.