Kum 78 mi ni tawh mahse, a hlawhtlinna ber movie lamah tawpzai a la rel thei meuh lo niin a lang a, Arnold Schwarzenegger chuan Conan the Barbarian chhunzawm tur a awm leh ngei dawn thu a sawi.
Arnold chuan kum 2027 tir lam atang hian an chan tan a beisei thu a sawi a, King Conan siam leh tur hian ruahmanna hrang hrang siamchhoh mek a nih thu a sawi bawk.
Kum sawm chuang chu chhunzawm a ni leh dawn em ti hian kan inzawt fo a, tunah chuan a taka chantir chauh hmabak tawhin, engkim ruahman fel a ni tawh, a ti bawk a ni.
King Conan hi Robert E. Howard-a script ziah a ni leh dawn tih sawichian niin, Conan the Barbarian director John Milius chu producer a ni leh dawn bawk.
Arnold hian tunhnaiah film lama luh tumna a neih deuh thu hi a lo sawi chhuak zeuh tawh hrim hrim bawk a, King Conan bakah hian Predator leh Commando movie velah a inlan leh mai thei niin a sawi.