Chief Minister Lalduhoma hovin Thawhtanni khan CM Conference Hall-ah sawhthing lama hmalakna tura ruahman, ‘Ginger USP Project’ kalpui dan tur an sawi ho.
Ginger USP Project hi sorkar department hrang hrang panga vel thawhkhawmna hmanga kalpui a ni dawn a, Champhai Mualkawiah a sawngbawlna hmunpui ber (main hub) dah a ni ang a; Tualcheng, Zotlang leh Vaphaiah te a sawngbawlna tenau (spoke hub) pathum bun a ni ang.
Spoke hub-ah hian sawhthing tihfai, grading, channa (slice) leh tihro hna thawh a ni ang a, a oil siamna leh branding hna erawh Mualkawi hmunpui berah hian kalpui a ni thung ang.
Kumin chhung hian a khawl pawh bun fel hman tum a ni a, heta khawl bunte hi sorkar enkawl ni lo vin, tualchhung mi mal investor, entrepreneur leh society-te enkawltir tura duan a ni.
Thutkhawm ah hian Rs vbc 189.78 senna tur Project Mizoram Ginger Sustainable Cultivation & Value Chain Development siam niin, he project chhunga hmalakna pakhat Processing Unit dinna tur hi DoNER chuan NEC-ah Rs. vbc 30.13 a sanction tawh thu tarlan a ni.
He hunah hian Agriculture Minister PC Vanlalruata, Industry Minister F. Rodingliana, RD Minister Prof. Lalnilawma, MLA-te leh official pawimawh dangte an tel.