Tunhnaiah Traffic police ten zan lama lirthei kalte endik hna thawkin, veng hrang hrangah man an nei nual reng a, hei hi a tha hle, tawpsan mai chi a ni lo.
A endiktu lam erawh an indaih lovin an buai phah hle ang tih a rinawm a, mahse mipuite ralmuan zawk nan hian zantin an ti thei lo a ni pawhin kar khat chhungin zan tam zawk hi endik hna kalpui thei reng se a tha hle.
Dik tak chuan khawvel hmasawn chho zelah zan lama hnathawh chi leh tih tur pawimawh tak tak nei kan tam chho ve zel a, heng mite himna tur tal pawh hian lirthei che vel endik hi kan ngaihtuah thar deuh chu a ngai a ni.
Zan laia kawngpui dunga lirthei bengchheng tak taka tlan thinte an tawmim a, dan dik lo leh document kim lote pawh a tlanchhuah ngam lohna tura endikna hna kalpui fo hi a tul a, mi dik lote kan chhuah zalen loh hi a him ta hle mai.
Sorkar hian a endiktu lam hi thuamchak lehzual se la, helamah hian insen hreh lo bawk se, zan lama duty hi ngawrh zawkin nei thei se la, kan zan lam hun hman dan hi a thianghlim a, ralmuang zawka kan khawpui a awm reng theih nan tun aia nasa zawka lirthei endik hna kalpui hi a tul ta e.