Aizawl: Nilaini apiang chu ‘No Official Vehicle Day’ atan puan a ni a, sorkar hnathawkte hman tur bus tlan dan tur ruahman a ni.
He ruahmanna thar hnuaiah hian City Bus-te chu Durtlang atanga Hlimen leh Ramrikawn/Sakawrtuichhun lam panin zing dar 7 leh zing dar 9-ah te an tlan dawn a; Line Bus pawh Ramhlun Vengthar atanga Salem/Mualpui leh PUC Gate panin zing dar 7 leh zing dar 9-ah vek hian an tlan bawk ang. Hemi hnu hian sorkar hnathawkte thlahtu tur MST Bus pahnih pawh Chaltlang Transport Complex atangin zing dar 7-ah MINECO panin a tlan bawk dawn a ni.