Aizawl: Union Minister of Fisheries, Animal Husbandry & Dairying, Rajiv Ranjan Singh chuan nimin khan State Government Fisheries Farm-ah sangha khawitute hnenah sangha chi leh sangha chaw a sem.
Hemi puala inkhawm tawi buatsaihah Union Minister chuan, sorkar laipuiin sangha khawitute hmasawnna tur hmachhawp tam tak a neih thu a sawi a. India ram chu khawvela sangha tharchhuak hnem ber pawl a nih rualin, hmarchhak state-te tharchhuah chu tun aia la tam thei fe a nih thu a sawi a. Mizoram theihna haichhuah kawnga tan lak pui turin sangha khawitute a sawm nghal bawk.
Union Minister hi Minister of State (Fisheries, Animal Husbandry & Dairying) Prof. SP Singh Bagel leh George Kurian te bakah, Mizoram fisheries minister Lalthansanga leh sorkar official ten an tawiawm a ni.