Nupa inkawprem tak an ni a, a nupui avangin engemaw thang hat han nei mahse an inkar a chhiat phah lo a, vawiin thlengin an la inkawp rem chho zel.
An inkar a tha thar nitin ti niawm takin nilaini khan kum 38 mi lemchanthiam chuan a pasal nena pawn lama an thlalak hrang hrang a rawn tarlang hluai mai a, in lama a eitur siam an pa in a keng lai chu a focus nasa hle.
A pasal kum 49 mi chuan Lively eitur siam hrang hrangte chu kengin, hlim takin an eidun a, inhaw lo takin an awm dun nasa hle bawk a ni.
Heng an thlalak hrang hrangte hi May ni 4-a Met Gala hnua Lively thlalak post chhuah lehna a ni a, an nupa kar a thatzia lantirna ni ngeiin media tam tak chuan an ngai hlawm.
Reynolds thung hi chuan Mother’s Day khan an nu thlalak hrang hrang hi a lo tarchhuak tawh a, an nu chu khawvela a mi ngaihhlut tak a nih thu a sawi tel bawk.
September 2012 a innei Lively te nupa hian fa pali – James,11; Inez,9; Betty,6 leh Olin, kum 3 mi an nei tawh a ni.