Pasal a nei a, a then a, a hmangaih hmasa nen an inkawp leh a, thenzai an rel leh thuai a, chumi hnuah hmangaihna chungchang sawiin Jennifer Lopez a rawn tawngchhuak ve ta.
Nilaini khan Jimmy Kimmel Live-ah Lopez hi inlanin, kum 56 mi zaithiam chuan ka tisual a, ka tihsual siamtha turin engkim ka lo tisual zo tawh si, a har a ni, tiin a sawi.
Fa pahnih a nei tawh a, an rilru tihchhiat a duh loh thu sawi zuiin, kawppui nei lo nimahse a fate chu a theihtawpa thaa enkawl zui a duh thu sawiin, keimah min hmangaihtu fa duhawm tak ka nei alawm, tiin Kimmel zawhna a chhang bawk.
Kawppui lama zawhna erawh a ngaihtuahnaah a awm rih loh thu sawiin, zinkual reng a nih avangin hmangaih erawh tawn hun a la nei leh mahna, a ti.