Aizawl: Aizawl East District PYD hnuaia Environment Protection Committee-te hmalaknain Ningani khan Chite thian faiin an hnatlang.
Hnatlang tan hma hian inkhawm tawi neih niin Evan Dr. R. Vanlalpeka, District PYD Vice President-in hnatlang turte a vai liam a; R. Lalawmpuii, Deputy Mayor AMC-in thu a sawi.
UD&PA Department-in a sponsor Chite lui thenfai hnatlangah hian Aizawl khawpui chhunga bial hrang hrang atangin PYD member 200 vel an thawk chhuak a, Bethlehem Vengthlang kai Chite lui tihfai hna an thawk a, Sanitation Department-in bawlhhlawh paih motor an hmantir hmangin garbage bag 270 vel an chhar khawm chu paih a ni.
Aizawl East District PYD Environment Protection Committee-te hian environment humhalh kawngah chak taka hma la in, hman khat daih plastic chungchang inzirtirna an nei thin a, tuihna leh ramngaw humhalh a nih theih nan chak takin hma an la mek bawk a ni.