Inrinni zana Mizoram 9 Ball Pool Championship 2026 – 2027 khelh zawh takah Lalsangzela, Khatla South, Aizawl a champion.
Mizoram Snooker & Billiards Association (MSBA) buatsaih inelna final hi Race to 8-a khelh niin Zela hian Lalrina Renthlei, Tuikhuahtlang, Aizawl chu 8-2-in a hneh a, nomawi a la.
Final inkhel thunun hneh tak, Sangzela a champion zinkawngah semi final-ah Zonuntkuanga, Electric Veng, Aizawl chu 7-1-in a lo hneh tawh a, quarter final-ah Lalchhandama, Dinthar, Aizawl lakah 6-1-in hnehna a chang tawh bawk.
Mizoram 9 Ball Pool Championship 2026 – 2027 hi MSBA Hall, Hawla Indoor Stadium, Republic Vengthlang, Aizawlah khelh a ni a, kar kal ta Thawhtanni atanga khelh tan niin Mizoram chhung hmun hrang hrang atangin player 100 chuang an tel a ni.