Aizawl: Mizo zinga mathematics subject-a PhD nei hmasa ber Dr. LN Tluanga chu Pathianni chawhnu dar 3 khan Aizawl Hospital & Research Centre-ah kum 93 mi niin a thi.
Dr. LN Tluanga hi kum 1933-ah Bukpuiah a piang a, Sialsuk leh Aizawlah lehkha a zir hnuin Scottish Church College atangin 1955 khan BSc a zo a, Mathematics-ah distiction-ah a pass. BSc a pass hnuah sikulah kum khat thawkin MSc a zir chhunzawm a, kum 1974 -ah Gauhati University hnuaiah PhD zoin Mizo zinga mathematics-a PhD nei hmasa ber a ni.
Mizoram sorkara education director hmasa ber a nih bakah Science tihhmasawnna kawnga nasa taka thawktu niin Mizoram Science Society chuan a vawi khatna atan, May 13, 2026 khan ‘Science Award’ hlanin, Award hi Aizawl Hospital-ah MSS hruaituten kal chilhin an hlan a ni.
Dr. LN Tluanga hi Mission Veng Presbyterian Kohhran Upa a ni, a ruang hi Pathianni zan khan lumen niin awiinah Mission Veng Biak Inah vui a ni ang.