Aizawl: Pathianni khan Saitual DEF Special Team te chuan Keifang khaw daiah ruihhlo tam tham tak, Morphine leh Heroin an man.
Saitual Police-te hian Manipur atanga Aizawl pan, motor pakhat (Ashok Leyland) chu an lo tiding a, uluk taka an endik hnuah driver thutna sira kaw siam chawp atangin Morphine nia rinhlelh packet 13, kg 6.683 a rit an hmuchhuah a ni.
He Morphine hi tualchhung bazar-ah Rs vbc 6.68 chuang man hu a ni a, hemi bakah hian Rs nuai 2 leh a chanve dawn man hu Heroin gram 12 an man tel bawk.
He ruihhlo phurhna hmanrua motor hi thuhretute awm laiin mansa a ni a, a phurtu Assam mi leh sa pathum — Raju Giri, Karnamani Das leh Ganesh Das te chu ruihhlo leh an mobile phone pathum te nen Saitual Police-te hian manin, dan angin thubuai an ziaklut nghal a ni.