Home Minister K. Sapdanga chuan Thawhlehni khan Serchhip District Jail tlawhin, SASCI 2024-2025 hnuaia Rs vbc 3.7 senga jail thawm that leh tihchangtlun hna hrang hrang thawh mekte a enfiah.
Jail a tlawhnaah minister chuan Serchhip District Jail chu a hmun a tlawh tawh hrang hrangte zinga a felfai leh mit kham lo ber a nih thu sawiin, building sak hna thawktu PWD leh contractor-te chu theihtawp chhuah zui zel turin a chah a. Jail chu sualna kawnga tlu tawh te rilru leh taksa siamthatna hmun a nih avangin a hming pawh ‘Prison and Correctional Services’ tia thlak a nih tawh thu a sawi a. Mi tangte an hrisel zawk nan medical staff-te’n regular taka an tlawh thin nan hma lak zui a nih tur thu a sawi bawk.
Serchhip District Jail-ah hian Administrative Building thawmthat, Multipurpose Hall, Barrack thar, Segregation Cell, Vocational Hall leh thil dang pawimawh tak tak sak mek a ni.
Thawhlehni vek khan Home Minister K. Sapdanga hian Sainik School, Chhingchhip tlawhin, zirlaiten an hman tangkai tur ‘Unit Run CSD Canteen thar’ a hawng nghal bawk.