Aizawl: Excise & Narcotics Department leh Central YMA hnuaia Central Anti-Drugs Squad (CADS) te chuan Thawhlehni chhun khan Sihphir Neihbawi (Sethup Kawn)-ah heroin gram 971 (Hawng 67) leh a neitu nia hriat mi pali an man.
Heroin phurh kualna atana hman lirthei pahnih – Hyundai Santro Car (MZ 01 D 8202) leh Bolero Car (AS 01 EU 9735) te pawh hrensak nghal an ni a. Thudawn danin he heroin hi Zokhawthar atanga an lak, Assam-a tihral an tum mek a ni.
Heroin vanga an mante hi Daniel Malsawmdawngliana (47), s/o Lalrinawma (L), Zokhawthar, Champhai District; Suwar Uddin Laskar (47), s/o Rafizul Ali Laskar, Rajghat/Bagha, Cachar, Assam; Basir Uddin Laskar (26), s/o Rafizul Ali Laskar, Rajghat/Bagha, Cachar, Assam leh Hifjul Bahar (27), s/o Abu Bakkar, Bhitargool, Karimganj, Assam te an ni.