Aizawl: Aizawl Municipal Corporation (AMC) hnuaia property tax zirchiang tura din study team chu Nilaini chawhma khan Vanlalfaka, Executive Corporator i/c Property Tax kaihhruaiin an thukhawm.
Thutkhawmah hian Aizawl khawpui chhunga mumal leh felfai zawka property tax khawn dan tur leh mipui tana tangkai zawka property tax tlingkhawm hman chhuah dan tur zirchianna neih a ni. Mipuiten awlsam zawka tax an pek theih dan tur te, rualkhai leh felfai zawka tax khawn a nih theihna tur te sawiho a nih bakah, local council leh state sorkar nen pawh tanho dan kawng zawn a tul thu an sawiho.
AMC Executive Council meeting-in a phut angin study team hian July 20, 2026 ral hmain an zirchianna leh rawtnate Aizawl mayor hnenah an thlen dawn a ni.
Study Team member-ah hian Vanlalhriatrengi (Ward No. 4 Corporator) leh Dr. Lallawmkimi Tochhawng (Ward No. 5 Corporator) te bakah AMC official te an tel.