Aizawl: MPCC Treasurer leh AMC Corporator ni bawk Dr. Lalmalsawma Nghaka chuan Nilaini khan Champhai leh Zokhawthar te tlawhin, Congress party worker-te nena an inkawm bakah India leh Myanmar insumdawn tawnna hmun te a tlawh.
Congress party worker te nena an inkawmnaah Dr. Lalmalsawma Nghaka chuan Champhai khaw chhung kawngpui chhia chu pawi a tih thu sawiin, mipuiin fuel litre khatah kawng siamna tur Rs. 4 zel sorkarah chhung lutin, Rs nuai 14,300 chuang an chhunglut tawh a. Heti taka sorkarin cess a lak hnu pawha Champhai kawngpui chhe lutuk chu hriatthiam a har a tih thu a sawi a, “Wheelbarrow kal theihna tawh phawt chu kan siam tha zel ang titu PWD Minister ko eih thei Champhai hian MLA in nei lo niin ka hria, inthlan dawn kuma siam that atan an khek em ni?” tiin sorkar a zawt.
Zokhawthar kaltlanga Myanmar nena insumdawn tawnna tluchhe mek leh Assam Rifles-te inluling thin pawh Congress an sorkar leh hunah an siamthat tur thu a sawi a, thingtlang mipui khaichhuah nan NLUP policy an kalpui leh tur thu sawiin, Congress party thlawp tlat turin mipui a sawm.