A pasal hlui Gerard Pique nena an fate pahnih awmpui a, enkawl chhunzawmtu Shakira chuan amah chauha a fate pahnih enkawl chu a hautak tih chang a neih thin thu a sawi.
Fapa pahnih Mila,13 leh Sasha,11 te nu chuan footballer hlui nen an inthen hnu khan a fate pahnih chu awmpui nghalin; bill engkim pek a ngai a, chawhmeh siam a ngai a, an school kal tur hruai an ngai leh a, nun hi a hahthlak chang a awm lek lek thin, a ti.
Kum 49 mi chuan tour neiin, a eizawnna music lam a la chhunzawm reng a, a hah leh chauh chang pawhin a fate bulah chuan hlim taka awm zel a tum thin thu sawiin, a fate chu chakna pe thar lehtu an nih thu a sawi.
Nu ka nih hnu khan ka fate atang hian thil thar ka zirchhuak nitin a, an tan a tha ber thleng zel se tih hi ka duhthusam a ni, a ti bawk.
Hmangaihna chungchang chu a ngaihtuahnaah a la awm rih loh thu sawiin, ka fate bula awma enkawl hi nuam ka ti a, chutiang lo chu ngaihsak leh ngaihtuah dang ka nei rih lo, ka nei lo tluan thut thei bawk, tiin Shakira chuan tun hnai khan a sawichhuak.