League a che \ha ber lakah Kerala Blasters FC in hnehna an chang a. 2-1 aggregate a chakin kum 2016 hnua a vawikhatna atan Indian Super League final an khel dawn.
Blasters hian final luh inchuhin League Shield chawitu Jamshedpur FC an hmachhawn a, first leg-ah 1-0 in an chak tawh.
Thawhlehni zan Tilak Maidan Stadium-ah minute 18-naah Adrian Luna chuan goal mawi khungin hma an hruaina an belhchhah a. He goal hi minute 50-naah Jamshedpur FC tan Pronay Halder chuan sut mahse Owen Coyle-a pawlte hian goal an khung belh thei tawh lova. Kerala tlarhnung an ding nghet tlat.
Blasters tan \um dang ang bawkin Lalthathanga Khawlhring chu midfield-ah an inkhel kaihruaitu a ni leh a, a tawp thlenga an \an tluan theih chhan pawimawh a ni.
Jamshedpur tan Ricky Lallawmawma leh Laldinliana Renthlei ten bul an \an a, Laldinpuia chu second half-ah dah luh a ni bawk.
Blasters coach Ivan Vukomanovic chuan, “Club tan hlawhtlinna lian a ni a, a bikin fans tan a pawimawh hle. Tun dinhmun thleng tur hian hun rei tak an nghak tawh a, keini chauh bakah Kerala pumpui an hlim ang.” a ti.