Aizawl: Tun hnaia Mizotaxi App chungchanga sawi zui leh buaina hrang hrang a awm hnuah, Transport Department chuan May 29, 2026-a Office Order an lo tihchhuah tawh tlawhchhanin thuneitute remtihnain motor pakhatah Rs. 500-ah an siam rem.
He registration fee hi a motor service hun chhung atan a ni ang a, a bak pek leh a ngai tawh lo thung.
Aizawl khawpui chhunga service lai – Two-Wheeler Taxi, Four-Wheeler Taxi leh Auto-Rickshaw te chu June 2026 chhungin Mizotaxi Office- DTO (L.A) Office hnuai, Transport Complex, Chaltlangah registration tifel vek turin an ngenin, an hriattir nawn leh a. In register tur chuan motor document felfai, Driving Licence leh Voters’ ID an keng tur a ni.
Hun tiam chhunga mipui mamawh tur khawp lirthei in register a awmlo anih chuan a tul angin Mizotaxi hnuaia tlan tur permit pek belh a nih dawn thu an tar lang bawk.