Aizawl: Disaster Management & Rehabilitation (DM&R) Minister Prof. Lalnilawma chuan MINECO Conference Hall Number 1-ah Indian Meteorological Department (IMD), GoI buatsaih, ‘X-Band Doppler Weather Radar’ lungphum nimin khan a phum.
Minister Prof. Lalnilawma chuan Mizoram chu chhiatrupna thlen nasatna hmun a nih avangin khaw chin hriat lawkna khawl hi a mamawh ber te zinga mi a nih thu a sawi a, tunlai khawvelah information ngah ramte an chak zel thin avangin Mizoram pawhin he radar system hmang hian khaw chin hrilhlawkna chipchiar zawk a nei thei ang a, inpuahchahna tha zawk neiin nunna tam zawk chhan a nih phah ngei a beisei thu a sawi.
He radar thar hi North-east region-ah khaw chin hriatlawkna atana hman tur a ni dawn a, khuarel chhiatna laka invenna kawngah te, kut hnathawktute leh thlawhnaa zin veivakte tan chhawrnahawm tak a ni dawn a ni.
He khawl hi Doordarshan Campus, Durtlang, Aizawlah bun tur a ni a, Rs vbc 10 senna tur he project hi June 1, 2026 khan thawh tan niin, October 9, 2026-ah zawh fel hman tum a ni.