Aizawl: Serkawn Christian Hospital leh Lawngtlai Christian Hospital ten Mizoram Universal Health Care Scheme (MUHCS) 2.0-an zawm.
Health Minister Lalrinpuii pisaah Nilaini khan MUHCS 2.0 atana sorkar nena thawhhona thuthlung chu a kaihhruaina hnuaiah Christian Hospital Serkawn leh Christian Hospital Lawngtlai ten an ziak a. Mizoram State Health Care Society aiawhin CEO Dr. Lalhriatzuali Ralte bakah Deputy CEO Dr. Vanlalremsiama leh CFO Dr. K. Lalnghinglova ten hming an ziak a; Christian Hospital Serkawn leh Lawngtlai aiawhin H. Lalthlamuana leh Rev. Dr. R. Zolawma ten hming an ziak bawk.