Aizawl: Mizoram sorkarin Nilaini tina sorkar lirthei tihdin ‘No Official Vehicle Day’ a hman mekah, sorkar hnathawkte office kal leh haw lamin an hman theih tura Transport Department-in MST Bus Service a lo ruahman chu sut leh a ni.
Mizoram sorkar chuan June ni 1, 2026 atang khan boruak tibal lo tur leh sorkar sum renchemna kawng atan ‘No Official Vehicle Day’ hi khauh takin a lo kalpui tan a. He hmalakna hi sorkar hnathawkte tana awlsam zawk piah lama mi mal lirthei hman tam tur laka an fihlim theih nan, Transport Department chuan office kal leh haw hun turin MST Bus Service hi a buatsaih a ni.
Mahse, Nilainia sorkar thuchhuah tarlan danin, he ruahmanna siam a nih hnu hian sorkar hnathawkte lam atangin MST Bus service hi hmangtu (passengers) an awm loh avangin sut leh a ni.